Máńgi jasyl qaraǵaılar men aq qaıyńdar kómkergen ádemi álem nebir qyzyqty sharalarmen býyrqanyp tur. Sony jańalyq ta bar. El qulaǵyn eleń etkizetin tosyn dúnıe «Qazaqstandyq Laplandııa». Sıqyrly álemimen suqtandyratyn ózgeshe óńdi ertegiler álemi Shýche kóliniń jaǵasynda ornalasqan. Osyndaǵy Santa-Klaýstyń rezıdensııasynda muz aıdynynda konkı teýip, buǵy jáne ıt jekken shanalarmen qyrdan quldılap, aqqan juldyzdaı zymyrap kirshiksiz aq qardyń ústinde syrǵanaı alasyń. Sondaı-aq Santa-Klaýspen, elftarmen jáne ózge de ertegi keıipkerlerimen kezdesip, sýretke túsýge bolady.
Sońǵy kezderi «Qazaqstandyq Laplandııa» balalarmen birge eresekterdiń de súıikti mekenine aınalyp otyr. Munda jyl saıyn myńdaǵan adam kelip, kóńil kóterip qaıtady. Qazaqstannyń ár óńirinde turatyn balalar Santa-Klaýsqa qys boıy hat jaza alady. Olarǵa mindetti túrde jaýap jazylatyny aıtylyp jatyr.
Maýsymnyń ashylýyna bul joly da oblystyń ər óńirinen jınalǵan eresekter men baldyrǵandar qatysty. Sharany uıymdastyrýshy «Býrabaı Damý» seriktestigi kelýshilerge qushaǵyn aıqara ashady.
